Ta’lim infratuzilmasini rivojlantirish va o‘quvchilar uchun zamonaviy sharoitlar yaratish davlat siyosatining ustuvor yo‘nalishlaridan biri bo‘lib qolmoqda. Shu maqsadda Oltinsoy tumanining “Shohcha” mahallasida yangi zamonaviy maktab binosi bunyod etilmoqda.
Qurilish jarayoni tuman hokimi Otabek Mavlyanov hamda tuman prokurori Ravshan Turdiyev tomonidan ko‘zdan kechirilib, ishlar sifati, sur’ati va belgilangan muddatlarda yakunlanishi yuzasidan mas’ullarga zarur topshiriqlar berildi.
Yangi ta’lim maskani foydalanishga topshirilgach, mahalla o‘quvchilari zamonaviy va qulay sharoitlarda bilim olish imkoniga ega bo‘ladi. Mazkur loyiha “Shohcha” mahallasi aholisining ko‘p yillik orzusini ro‘yobga chiqarish bilan birga, hududda ta’lim sifati va imkoniyatlarini yanada yuksaltirishga xizmat qiladi.
