Yoshlarni rag‘batlantirish, ularning tarixiy merosga hurmatini mustahkamlash va dunyoqarashini kengaytirishga qaratilgan tashabbuslar izchil davom etmoqda. Bu boradagi amaliy ishlardan biri Bandixon tumanida amalga oshirildi.
“Besh tashabbus olimpiadasi” doirasida sport musobaqalari hamda ma’naviy-ma’rifiy tadbirlarda faol ishtirok etib, g‘oliblikni qo‘lga kiritgan bir guruh Bandixon yoshlari tarixiy Samarqand shahriga sayohat uchun yo‘l oldi.
Mazkur sayohat yoshlarning erishgan yutuqlarini munosib rag‘batlantirish, ularni yurtimizning boy tarixiy va madaniy merosi bilan yaqindan tanishtirish hamda mazmunli hordiq chiqarishlariga xizmat qiladi. Bunday tashabbuslar yoshlarning vatanparvarlik tuyg‘usini mustahkamlash, bilim va tafakkurini boyitishda muhim ahamiyat kasb etadi.
