Sariosiyo tumanida o‘tkazilgan “Hokim va bitiruvchi yoshlar uchrashuvi” yakunida ta’lim sohasida uzoq yillar samarali faoliyat yuritgan 4 nafar maktab direktori tantanali ravishda nafaqaga kuzatildi.
Tuman hokimi Odiljon Yaqubov ustozlarning ta’lim sifatini yuksaltirish, maktab jamoalarini shakllantirish hamda yosh avlodni bilimli, vatanparvar va barkamol insonlar etib tarbiyalash yo‘lidagi ko‘p yillik xizmatlarini alohida e’tirof etdi.
Tadbir ustoz va murabbiylarga hurmat-ehtirom ko‘rsatish, ularning boy tajribasini qadrlash hamda ta’lim tizimida fidokorona mehnat qilgan insonlarning xizmatlarini munosib e’tirof etishning yana bir yorqin ifodasi bo‘ldi.
