“Ishonch” loyihalari ta’lim sifatini oshirmoqda

Date:

Surxondaryo viloyatida “Ishonch” jamg‘armasi mablag‘lari hisobidan ta’lim sohasida amalga oshirilayotgan loyihalarning borishi va samaradorligi bilan tanishish maqsadida Iqtisodiyot va moliya vazirligi, Maktabgacha va maktab ta’limi vazirligi hamda BMT vakillaridan iborat delegatsiya tashrif buyurdi.

Tashrif davomida delegatsiya a’zolari viloyat Pedagogik mahorat markazida o‘qituvchilar malakasini oshirish, raqamli ta’limni rivojlantirish va zamonaviy texnologiyalarni joriy etish bo‘yicha amalga oshirilayotgan ishlar bilan tanishdi.

Shuningdek, Sherobod, Angor tumanlari hamda Termiz shahridagi bir qator maktablarda suv ta’minoti va sanitariya sharoitlarini yaxshilash, raqamli ta’lim imkoniyatlarini kengaytirish, inklyuziv ta’limni rivojlantirish va o‘quv muhitini modernizatsiya qilishga qaratilgan loyihalar natijalari ko‘zdan kechirildi.

Ma’lumotlarga ko‘ra, “Ishonch” jamg‘armasi hisobidan sog‘liqni saqlash va ta’lim sohalarida umumiy qiymati 87 million AQSH dollariga teng loyihalar amalga oshirilmoqda, shundan 43,5 million dollari ta’lim tizimini rivojlantirishga yo‘naltirilgan.

Ushbu tashabbuslar hududda ta’lim sifatini oshirish, zamonaviy o‘quv muhitini yaratish va o‘quvchilarga teng imkoniyatlar taqdim etishda muhim ahamiyat kasb etmoqda.

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

Toshkent sahnasida “Momo yer”

Toshkentdagi Muqimiy teatrida Respublika teatr festivali doirasida Surxondaryo, Samarqand...

Hakim Termiziy merosi dunyo olimlari nigohida

Termiz shahridagi Imom Termiziy xalqaro ilmiy-tadqiqot markazida buyuk alloma...

O‘quvchilar harbiylar bilan uchrashdi

Denov tumanidagi 76-sonli umumta’lim maktabida Xayrabod garnizonida joylashgan harbiy...

Yagona imtihon joriy etiladimi?

O‘zbekistonda maktab o‘quvchilarining bilimini baholash va yakuniy imtihonlar tartibini...
KunTun
KunTun