Sariosiyo tumanida ishsiz yoshlarni qo‘llab-quvvatlash va ularning bandligini ta’minlash maqsadida mehnat yarmarkasi tashkil etildi. Tadbirda Surxondaryo viloyat prokurori B. Babadjanov hamda tuman mutasaddilari ishtirok etib, yoshlar uchun yaratilayotgan imkoniyatlar bilan tanishdi.
Yarmarkada 93 nafar bitiruvchi yosh ishtirok etib, ularning bandligini ta’minlash bo‘yicha amaliy chora-tadbirlar ko‘rildi. Natijada 14 nafar yosh doimiy ishga joylashtirildi, 12 nafariga esa ssuda va subsidiya asosida texnika hamda zarur jihozlar ajratilishi belgilandi.
Mazkur tashabbus yoshlar bandligini oshirish, ularni kasb-hunar va tadbirkorlikka yo‘naltirish hamda mehnat bozorida o‘z o‘rnini topishiga ko‘maklashishda muhim ahamiyat kasb etmoqda.
