Ijtimoiy himoya milliy agentligi Surxondaryo viloyati boshqarmasi tomonidan tizimda faoliyat yuritayotgan mutaxassislar va ijtimoiy xodimlar ishtirokida ochiq muloqot tashkil etildi.
Tadbir davomida sohada uchrayotgan muammolar, taklif va tashabbuslar muhokama qilinib, aholiga ko‘rsatilayotgan ijtimoiy xizmatlar sifatini yanada oshirish hamda tizimni takomillashtirishga qaratilgan muhim fikrlar bildirildi.
Shuningdek, o‘zining samarali mehnati, tashabbuskorligi va fidoyiligi bilan ajralib turgan bir guruh xodimlar munosib rag‘batlantirildi. Bu kabi ochiq muloqotlar sohada mas’uliyatni kuchaytirish, xizmatlar samaradorligini oshirish va fuqarolarga yanada sifatli ijtimoiy yordam ko‘rsatishda muhim ahamiyat kasb etadi.
