AQSH va Kanadadagi hamyurtlarimiz tashabbusi bilan Oʻzbekiston milliy terma jamoasi ramzlari va futbolchilari suratlari tushirilgan maxsus brendli yuk mashinalari yoʻlga chiqmoqda.
Dastlab 35 ta yuk mashinasi tayyorlanib, ularning soni bosqichma-bosqich 100 taga yetkaziladi. Ular jahon chempionati davomida AQSH va Kanadaning yirik shaharlari, magistral yoʻllari hamda sayyohlik maskanlari boʻylab 30 ming kilometrdan ortiq masofani bosib oʻtadi.
Mazkur tashabbus Oʻzbekiston terma jamoasini xalqaro miqyosda keng targʻib etish, vatandoshlar birdamligini namoyish etish va futbolchilarimizni qoʻllab-quvvatlashga xizmat qiladi.
