Termiz davlat universitetining Moliya yo‘nalishi bitiruvchilari oradan 28 yil o‘tib yana o‘z ona maskanida jam bo‘ldilar. Samimiy uchrashuv davomida ustozlarga ehtirom ko‘rsatilib, talabalik yillarining unutilmas xotiralari yodga olindi.
Universitet rektori, professor A. Toshqulov bitiruvchilarni kampusdagi bunyodkorlik ishlari, zamonaviy infratuzilma hamda oliygohning xalqaro nufuzi va rivojlanish istiqbollari bilan tanishtirdi.
Mazkur uchrashuv ustoz-shogird an’analarini mustahkamlash, bitiruvchilarning universitet bilan aloqalarini yanada kuchaytirish hamda oliy ta’lim maskaniga sadoqat va daxldorlik tuyg‘usini yuksaltirishda muhim ahamiyat kasb etdi.
