Zamonaviy boshqaruv ko‘nikmalari rivojlantiriladi

Prezidentimizning 2025-yil 5-maydagi PF–78-son Farmoni ijrosi doirasida Surxondaryo viloyatida davlat xizmatchilari uchun strategik samaradorlik va zamonaviy kompetensiyalarni rivojlantirishga bag‘ishlangan hamkorlik uchrashuvi o‘tkazildi.
Davlat siyosati va boshqaruvi akademiyasi hamda Boshqaruv samaradorligi agentligi tomonidan Surxondaryo viloyati hokimligi bilan hamkorlikda tashkil etilgan uchrashuvda davlat xizmatchilarida strategik fikrlash, samarali boshqaruv, zamonaviy menejment texnologiyalaridan foydalanish va amaliy ko‘nikmalarni mustahkamlash masalalariga alohida e’tibor qaratildi.
Shuningdek, istiqbolli rahbar kadrlar zaxirasini shakllantirish, boshqaruv salohiyatini yuksaltirish hamda hududlarda amalga oshirilayotgan islohotlar samaradorligini yanada oshirish yuzasidan fikr almashildi.
Mazkur tashabbus davlat boshqaruvi tizimi uchun yuqori malakali, zamonaviy yondashuv va strategik tafakkurga ega rahbar kadrlarni tayyorlashga xizmat qiladi.