Angor tumanida “Yangi O‘zbekiston — yoshlar mamlakati!” shiori ostida o‘tkazilayotgan “Yoshlar oyligi” doirasida festival tashkil etildi. Tadbir yoshlarning bilim va salohiyatini ro‘yobga chiqarish, ularning bandligini ta’minlash hamda zamonaviy kasb va ko‘nikmalarga qiziqishini oshirishga qaratilgani bilan ahamiyatlidir.
Festival davomida tadbirkorlik va bandlik, kitobxonlik, sun’iy intellekt, innovatsiyalar, xorijiy tillarni o‘rganish hamda yoshlar tashabbuslarini qo‘llab-quvvatlash yo‘nalishlarida ko‘rgazmalar, seminar-treninglar va ochiq muloqotlar tashkil etildi.
Tuman hokimi Qosim Mardonov yoshlar bilan uchrashib, ularning taklif va tashabbuslarini tingladi. Shuningdek, mehnat yarmarkasi, kitob ko‘rgazmalari, intellektual o‘yinlar, shaxmat musobaqalari hamda turli tanlovlar o‘tkazildi.
Mazkur festival yoshlarni ta’lim, innovatsiya va tadbirkorlikka keng jalb etish, ularning bo‘sh vaqtini mazmunli tashkil etish hamda jamiyat hayotidagi faolligini oshirishga xizmat qilmoqda.
