Xavfsizlik choralari ko‘rilganmi?

Surxondaryo viloyati Maktabgacha va maktab ta’limi boshqarmasi boshlig‘i Bekzod Tashpulatov Sariosiyo tumanidagi ta’lim muassasalarida yozgi sog‘lomlashtirish mavsumining borishi bilan tanishdi.
Dastlab 1-sonli maktab qoshida tashkil etilgan oromgohda bolalarning mazmunli hordiq chiqarishi, sport va ijodiy to‘garaklarga jalb etilishi hamda mavjud infratuzilmalardan samarali foydalanish holati o‘rganildi. Shuningdek, 2-son va 35-son maktabgacha ta’lim tashkilotlarida sanitariya-gigiyena talablari, ovqatlanish sifati va xavfsizlik choralarining bajarilishi ko‘zdan kechirildi.
Tashrif davomida 17-sonli umumta’lim maktabida yangi o‘quv yiliga tayyorgarlik ishlari ham muhokama qilinib, ta’lim muassasalarida bolalar uchun qulay, xavfsiz va samarali sharoitlarni yanada yaxshilash bo‘yicha tegishli topshiriqlar berildi.