Termiz davlat universiteti talabalari “Talabalar teatr studiyalari” festivalining Samarqandda o‘tgan mintaqaviy bosqichida faxrli 1-o‘rinni egallab, respublika finaliga yo‘llanmani qo‘lga kiritdi.
18–20-may kunlari Andijon viloyatida bo‘lib o‘tadigan final bosqichida TerDU jamoasi mamlakatning eng kuchli 9 ta oliy ta’lim muassasasi qatorida ishtirok etadi.
Festival oldidan universitet rektori, professor A. Toshqulov talabalar bilan uchrashib, yosh ijodkorlarning tashabbus va iste’dodlarini qo‘llab-quvvatlashini bildirdi.
Bugun yoshlarning san’at va madaniyatga bo‘lgan qiziqishini oshirish, milliy qadriyatlarni sahna orqali targ‘ib etish dolzarb ahamiyat kasb etmoqda. TerDU yoshlari esa bu borada universitet sha’nini munosib himoya qilmoqda.
