9-may — Xotira va qadrlash kuni munosabati bilan Bandixon tumanida “Burch, jasorat, matonat!” shiori ostida saxovat va mehr-oqibat tadbirlari davom etmoqda.
Bandixon tumani hokimligi hamda “Inson” ijtimoiy xizmatlar markazi tomonidan ehtiyojmand va nogironligi bo‘lgan oilalar holidan xabar olinib, ularga amaliy yordam ko‘rsatildi. Homiylar ko‘magida oziq-ovqat mahsulotlari, nogironlik aravachalari va zarur vositalar topshirildi.
Bu kabi ezgu tashabbuslar jamiyatda inson qadri, mehr-oqibat va birdamlik muhitini mustahkamlab, faxriylar hamda ehtiyojmand insonlarga e’tibor har qachongidan muhim ekanini yana bir bor namoyon etdi.
