“Buyuk Sharq renessansi” xalqaro olimpiadasida oltin medalni qo‘lga kiritgan muzrabotlik iqtidorli o‘quvchi Asilbek Qayumov tantanali ravishda kutib olindi.
Muzrabot tuman ixtisoslashtirilgan maktabida tashkil etilgan tadbirda uning xalqaro maydondagi yutug‘i yuksak e’tirof etilib, bilimga chanqoqligi, mehnatsevarligi va qat’iyati yoshlar uchun munosib namuna ekani ta’kidlandi.
Shuningdek, o‘quvchining ota-onasi hamda ustozlariga tashakkurnomalar topshirildi.
Eslatib o‘tamiz, mazkur nufuzli olimpiadada O‘zbekiston terma jamoasi tarkibidagi barcha 8 nafar o‘quvchi medal sohibiga aylanishi mamlakatimizda ta’lim va iqtidorli yoshlarni qo‘llab-quvvatlashga qaratilayotgan e’tibor samarasidir.
