Bugungi kunda maktabgacha va maktab ta’lim tashkilotlarida inklyuziv guruhlar faoliyati yo‘lga qo‘yilib, ayniqsa nogironligi bo‘lgan bolalarning teng imkoniyatlar asosida ta’lim olishi ta’minlanmoqda. Bu tizimni yanada rivojlantirish maqsadida “Inson” ijtimoiy xizmatlar markazlari tomonidan muntazam o‘quv-amaliy seminarlar o‘tkazilmoqda.
Shu doirada Termiz shahar “Inson” ijtimoiy xizmatlar markazi psixologlari tomonidan “Qo‘llab-quvvatlovchi muhit sari qadam” mavzusida mashg‘ulot tashkil etildi. Unda xodimlarda empatiya va to‘g‘ri muloqot ko‘nikmalarini rivojlantirish, xavfsiz muhit yaratish, stereotip va diskriminatsiyani kamaytirish hamda jamoada ijobiy psixologik iqlimni shakllantirishga alohida e’tibor qaratildi.
Mazkur tashabbuslar inklyuziv ta’lim sifatini oshirish, barcha bolalar uchun qulay va teng ta’lim muhitini yaratishda muhim ahamiyat kasb etmoqda.
