Xalq deputatlari Termiz shahar Kengashi deputatlari tomonidan “24-tavsiya” ijrosi doirasida mahallalarda nazorat-tahlil ishlari olib borildi. “Pattakesar” mahallasida o‘tkazilgan o‘rganishlarda hokim yordamchisi tavsiyasi bilan ajratilgan imtiyozli kreditlarning amaliy natijalari ko‘zdan kechirildi.
Jumladan, tadbirkor Gularam Turdiyevaga ajratilgan 100 million so‘m kredit evaziga qandolat mahsulotlari ishlab chiqarish yo‘lga qo‘yilib, 5 nafar fuqaro doimiy ish bilan ta’minlangan. Shuningdek, fuqaro Yu. Pashshaqulovga berilgan 25 million so‘m kredit hisobidan chorvachilik faoliyati yo‘lga qo‘yilgan.
O‘rganishlar shuni ko‘rsatdiki, imtiyozli kreditlar aholi bandligini ta’minlash va daromad manbalarini kengaytirishda muhim omil bo‘lib xizmat qilmoqda. Bu esa mahallabay ishlash tizimining amaliy samaradorligini yaqqol namoyon etadi.
