Termiz davlat muhandislik va agrotexnologiyalar universitetida Surxondaryo viloyati hokimi Ulug‘bek Qosimov sportchilar bilan ochiq muloqot o‘tkazdi.
Uchrashuvda viloyat sport sohasi mutasaddilari, sport maktablari va federatsiyalar vakillari hamda iqtidorli sportchilar ishtirok etib, mavjud muammolar, taklif va tashabbuslar muhokama qilindi. Bildirilgan murojaatlar yuzasidan mas’ullarga aniq vazifalar belgilab berildi.
Shuningdek, viloyat sport boshqarmasi tomonidan joriy yil rejalariga bag‘ishlangan taqdimot namoyish etildi.
Bu kabi uchrashuvlar sportchilarni qo‘llab-quvvatlash va sohani yangi bosqichga olib chiqishda muhim ahamiyat kasb etadi.
