Bandixon tumani 9-son madaniyat markazi ijodiy jamoasi “Boysun bahori” xalqaro folklor festivaliga o‘ziga xos uslubda tayyorgarlik ko‘rmoqda. Mashg‘ulotlar nafaqat sahna zallarida, balki so‘lim tabiat qo‘ynida ham davom etmoqda.
Surxondaryoning betakror manzaralari va musaffo havosi ijodkorlarga yangi g‘oya va kayfiyat bag‘ishlab, chiqishlarning yanada samimiy va ta’sirchan bo‘lishiga xizmat qilmoqda. Bunday muhitda yaratilayotgan sahna asarlari tabiiylik va ruhiy yaqinlik bilan ajralib turadi.
Shubhasiz, ana shunday ilhom bilan olib borilgan tayyorgarlik festival sahnasida yorqin va unutilmas chiqishlar uchun mustahkam poydevor bo‘lib xizmat qiladi.
