Hurmatli termizliklar! So‘nggi vaqtlarda ayrim hududlarda o‘g‘rilik va firibgarlik bilan bog‘liq jinoyatlar uchrab turayotgani kuzatilmoqda. Shu munosabat bilan barcha fuqarolardan ogohlikni oshirish, hushyorlikni kuchaytirish hamda o‘z mol-mulki va shaxsiy xavfsizligiga mas’uliyat bilan yondashishlarini so‘raymiz.
O‘g‘riliklarning oldini olish uchun:
— Uy yoki avtomobilingizni hatto qisqa muddatga bo‘lsa ham ochiq qoldirmang;
— Uyda yo‘qligingizda eshik va derazalarni mustahkam yopib, qo‘shnilarni ogohlantiring;
— Uy va hovlilarga kuzatuv kamerasi hamda signalizatsiya tizimlarini o‘rnatish xavfsizlikni ta’minlashda muhim ahamiyatga ega;
— Yangi tanishgan yoki ishonchsiz shaxslarga uy manzilingiz, mol-mulkingiz yoki shaxsiy ma’lumotlaringiz haqida ma’lumot bermang.
Firibgarliklarning oldini olish uchun:
— Telefon qo‘ng‘iroqlari, internet yoki ijtimoiy tarmoqlar orqali pul yoki shaxsiy ma’lumot so‘rayotgan shaxslarga ishonmang;
— “Siz yutuq yutdingiz”, “foydali investitsiya”, “kreditni yopib beramiz” kabi takliflar bilan murojaat qilayotganlar firibgar bo‘lishi mumkin;
— Pul o‘tkazish yoki hujjat topshirishdan avval manbani tekshiring, ishonch hosil qilmaguncha hech qanday to‘lov amalga oshirmang;
— Har qanday shubhali holatlarda darhol 102 qisqa raqamiga murojaat qiling.
Eslatma! Fuqarolarning ogohligi va hushyorligi — jinoyat-chilikka qarshi eng samarali himoya hisoblanadi. O‘z mol-
mulkimizni, oilamizni va jamiyat tinchligini asrash har birimizning muqaddas burchimizdir.
