Sariosiyo tumanida Ichki ishlar bo‘limining yangi, zamonaviy binosi foydalanishga topshirildi. 50 sotixli maydonda barpo etilgan bino xodimlar uchun qulay xizmat xonalari, sport maydonchalari va “Faxriylar xonasi” bilan jihozlangan, shuningdek, tuman aholisining xavfsizligi va farovonligini ta’minlashga xizmat qiladi.
Ichki ishlar vaziri Aziz Tashpulatov ta’kidlaganidek, ushbu bino davlatimiz rahbarining ichki ishlar tizimini modernizatsiya qilish va xodimlar uchun munosib sharoit yaratish borasidagi e’tiborining amaliy ifodasidir. Yangi binoda xizmat qiluvchi xodimlar zamonaviy sharoitlarda jamiyat manfaatini himoya qilib, xavfsiz va tinch hayot uchun fidokorona ishlash imkoniga ega bo‘lishadi.
