Bandixon tumanida jamoat xavfsizligini mustahkamlash va ichki ishlar xodimlari faoliyatini yanada samarali tashkil etish maqsadida muhim tashabbus amalga oshirildi. Bir guruh xodimlarga zamonaviy jihozlar hamda kompyuter jamlanmalari topshirildi.
Tantanali topshiruv marosimida tuman hokimligi va prokuratura rahbariyati ishtirok etib, huquq-tartibot organlari xodimlarining jamiyatdagi o‘rni alohida e’tirof etildi. Ta’kidlanganidek, bunday amaliy yordam ularning tezkorligi va ish samaradorligini oshirishga xizmat qiladi.
Mazkur tashabbus tumanda “Xavfsiz hudud” tamoyilining izchil amalga oshirilayotganini ko‘rsatib, tinchlik va osoyishtalikni ta’minlash yo‘lida muhim qadam bo‘ldi.
