Muzrabot tumani Chegarachi mahallasida 120 o‘rinli zamonaviy davlat maktabgacha ta’lim tashkiloti qurilishi olib borilmoqda. Mazkur loyiha uchun jami 4 milliard 800 million so‘m mablag‘ ajratilgan bo‘lib, qurilish ishlari “Husniddin qurilish loyiha” MCHJ tomonidan amalga oshirilmoqda. Ayni paytda obyektda qurilish ishlari yakuniga yetkazilib, ichki va tashqi bo‘yash hamda pardozlash ishlari olib borilmoqda.
Muzrabot tumani hokimi Abdulla Mamatqulov mazkur bog‘chada olib borilayotgan qurilish jarayonlari bilan yaqindan tanishdi. U mas’ullarga qurilish ishlarini belgilangan muddatlarda, eng asosiysi sifatli tarzda yakunlash bo‘yicha tegishli topshiriqlar berdi.
Ta’kidlash joizki, ushbu zamonaviy maktabgacha ta’lim tashkiloti foydalanishga topshirilgach, hududdagi bolajonlar uchun qulay va zamonaviy sharoitlar yaratiladi.
