Termiz davlat universiteti huzuridagi “IN VITRO” laboratoriyasi o‘z faoliyatini boshladi. Laboratoriyada professor-o‘qituvchilar va talabalar olimlar bilan hamkorlikda ilmiy-amaliy ishlar olib bormoqda. Birinchi bosqichda bodom va anor ko‘chatlarini ko‘paytirish uchun ona nihollarni tayyorlash yo‘lga qo‘yildi.
Mazkur tashabbus O‘zbekiston Respublikasi Prezidentining 2024-yil 30-dekabrdagi PQ-465-son qarori ijrosini ta’minlash doirasida amalga oshirilmoqda. Ushbu qaror qishloq xo‘jaligida zamonaviy yondashuvlarni joriy etish, dehqon va fermer xo‘jaliklarini sifatli, hudud iqlimiga mos ko‘chatlar bilan ta’minlashga qaratilgan.
Maʼlumot oʼrnida ilgari shu turdagi ko‘chatlar Samarqand viloyatidan olib kelinar edi. Endilikda esa ushbu imkoniyatning yo‘lga qo‘yilishi ortiqcha xarajat va ovoragarchiliklarning oldini olib, cho‘g‘i taftli mablag‘ tejalishiga xizmat qiladi.
