Surxon davlat qo‘riqxonasi hududida o‘txo‘r hayvonlar uchun tabiiy oziq muvozanatini saqlash maqsadida keng ko‘lamli biotexnik tadbirlar o‘tkazildi. Tadbir doirasida qo‘riqxonaning turli bo‘limlariga jami 18 tonnadan ortiq tuz tarqatildi.
Mazkur chora-tadbirlar, ayniqsa qish va erta bahor oylarida mineral moddalar yetishmovchiligini sezadigan yovvoyi hayvonlar uchun katta ahamiyatga ega. Tuz va boshqa mineral qo‘shimchalar ularning sog‘lom rivojlanishini ta’minlab, oziq-ovqat balansini tiklashga yordam beradi.
Qo‘riqxona hududida 7 ta bo‘lim va 10 ta aylanma mavjud bo‘lib, biotexnik tadbirlar barcha hududlarda bosqichma-bosqich amalga oshirilmoqda. Bu esa tabiiy ekotizim barqarorligini saqlash va hayvonlar uchun qulay yashash muhitini yaratishda muhim omil hisoblanadi.
