Bugun Termiz shahridagi Davlat xizmatlari markazida “Mening oilam – mening huquqim” aksiyasi o‘tkazildi. Tadbir Yuksalish harakati Surxondaryo viloyati hududiy bo‘linmasi hamda O‘zbekiston Notarial palatasi viloyat boshqarmasi hamkorligida tashkil etildi.
Aksiya davomida fuqarolar yer va uy-joy masalalari, mehnat va oilaviy munosabatlar, avtotransport vositalarini rasmiylashtirish, fuqarolik pasporti olish, mulkka egalik, hadya va meros kabi yo‘nalishlarda notariuslardan bepul huquqiy maslahatlar oldi.
Mazkur tashabbus aholining huquqiy savodxonligini oshirish, fuqarolarning o‘z huquqlarini bilishi va himoya qila olishini ta’minlashda muhim ahamiyatga ega. Aksiya 26-mart kuni Muzrabot tumanidagi “Yo‘lchi” MFYda davom etadi.
