Termiz tumanining chegaraoldi hududlarida Navro‘z bayrami arafasida aholi o‘rtasida targ‘ibot va tushuntirish ishlari davom etmoqda. Navbatdagi uchrashuvlar Qahramon va Jo‘yjangal mahallalarida tashkil etildi. Unda tuman hokimining chegara masalalari bo‘yicha yordamchisi, ichki ishlar bo‘limi mas’ullari, kuch tuzilmalari vakillari hamda “mahalla yettiligi” a’zolari ishtirok etdi.
Tadbir davomida fuqarolarga qonunchilik talablariga rioya qilish, shubhali holatlarga befarq bo‘lmaslik, yoshlarni turli yot g‘oyalardan asrash hamda internet va ijtimoiy tarmoqlardagi axborotlarga tanqidiy yondashish zarurligi tushuntirildi. Shuningdek, jamoat tartibi va hudud osoyishtaligini ta’minlashda mahalla, oila va har bir fuqaroning mas’uliyati muhim ekani alohida ta’kidlandi.
