Sariosiyo tumanining “Anorzor” mahallasida “Madina” nomli oilaviy nodavlat maktabgacha ta’lim tashkiloti foydalanishga topshirildi. Ochilish marosimida mahalla faollari, imom-xatib, nuroniylar hamda ota-onalar ishtirok etdi.
Tadbir 54-sonli maktab hamkorligida tashkil etilib, bolajonlar tomonidan she’rlar va kuy-qo‘shiqlar ijro etildi. Bu esa yig‘ilganlarga ko‘tarinki kayfiyat bag‘ishladi.
Yangi tashkil etilgan bog‘cha mahalladagi bolalarga zamonaviy sharoitlarda ta’lim-tarbiya berish, ularning har tomonlama rivojlanishiga xizmat qilishi bilan ahamiyatlidir.
