Surxondaryo viloyat bolalar kutubxonasiga Zvezda Vostoko nomli xususiy nodavlat ta’lim tashkilotining 1-sinf o‘quvchilari tashrif buyurdi.
Kutubxona mutaxassislari tomonidan o‘quvchilarga bolalar adabiyotining turli yo‘nalishlari, ertaklar, she’riy to‘plamlar, qiziqarli hikoyalar hamda rang-barang ensiklopedik kitoblar haqida batafsil ma’lumot berildi. Yosh mehmonlar o‘zlarini qiziqtirgan kitoblarni tomosha qilib, ularni varaqlash, mazmuni bilan tanishish jarayonida katta qiziqish va zavq bilan ishtirok etdilar.
Tashrif davomida bolalarda kitob o‘qishga bo‘lgan muhabbatni shakllantirish, ularning dunyoqarashini kengaytirish hamda kutubxonadan muntazam foydalanishga undash maqsadida kerakli tavsiyalar berildi.
O‘quvchilar kutubxona muhitidan mamnun bo‘lib, kelgusida yana tashrif buyurish istagini bildirdilar.
