“Qishloq joylarni kompleks rivojlantirish” loyihasining ikkinchi bosqichi doirasida Angor tumanining “Chinobod” mahallasida 25 yil avval faoliyati to‘xtab qolgan 25-sonli bog‘cha o‘rnida zamonaviy, 90 o‘rinli maktabgacha ta’lim tashkiloti qurilishi olib borilmoqda.
Yangi ta’lim maskani bolajonlar uchun barcha zarur sharoitlarga ega bo‘lib, zamonaviy loyiha asosida barpo etilmoqda. Qurilish ishlari belgilangan tartibda davom etmoqda. Mazkur loyiha mahallada maktabgacha ta’lim qamrovini oshirish, bolalarning sifatli ta’lim-tarbiya olishi uchun munosib sharoit yaratishga xizmat qiladi.
