O‘zbekiston Respublikasi Iqtisodiyot va moliya vazirligi, Islom taraqqiyot banki hamda BMT Taraqqiyot dasturi hamkorligida infratuzilmani rivojlantirishga qaratilgan loyihalar izchil amalga oshirilmoqda. “Qishloq joylarni kompleks rivojlantirish” loyihasining ikkinchi bosqichi doirasida Angor tumanining “Chinobod” mahallasida 11 kilometr ichki yo‘llarni asfaltlash rejalashtirilgan.
Mahalladagi jami yo‘llar uzunligi 16 kilometrni tashkil etadi va loyiha yakunida asfaltlanmagan ko‘cha qolmaydi. Hozirda mahallaning O‘riyat ko‘chasida yo‘l asosini tayyorlash, teklash va zarur infratuzilma ishlarini amalga oshirish ishlari boshlab yuborildi.
