Surxondaryo viloyati hokimligi tashabbusi bilan Angor tumanining “Tallashqon” mahallasida, M39 avtomagistral yo‘li bo‘yida “Yashil makon” loyihasi doirasida keng ko‘lamli ko‘kalamzorlashtirish ishlari boshlandi.
Ayni paytda hududda maxsus texnikalar yordamida yer maydonlari ko‘chat ekishga tayyorlanmoqda. Yaqin kunlarda bu maskan zamonaviy va fayzli yashil hududga aylanishi kutilmoqda.
Mazkur tashabbus nafaqat yo‘l bo‘yining estetik qiyofasini yaxshilash, balki ekologik muhitni sog‘lomlashtirish, havoni tozalash va hudud iqlimini yumshatishga xizmat qiladi. Eng muhimi, bu kabi loyihalar aholi uchun qulay va obod yashash muhitini yaratish, viloyatning investitsiyaviy hamda turistik jozibadorligini oshirishda muhim ahamiyat kasb etadi.
