Uzun tumanidagi Bobotog‘ milliy tabiat bog‘i hududida brakoner qo‘lga olindi. U “Qizil kitob”ga kiritilgan Buxoro tog‘ kiyigini noqonuniy ravishda ovlagan. Ushlangan shaxsning yonidan 21 kilogramm go‘sht aniqlangan.
Holat Bobotog‘ davlat o‘rmon xo‘jaligi xodimlari tomonidan fosh etilib, gumonlanuvchilar Uzun tumani Ichki ishlar bo‘limi hamda Ekologiya bo‘limiga topshirilgan. Qayd etilishicha, milliy tabiat bog‘ida ayrim mas’ul shaxslar o‘z vakolat va mansabidan foydalanib, tabiat boyliklariga zarar yetkazmoqda, aynan bu haqidagi ma’lumotlar jiddiy tekshiruvni talab qiladi.
Mazkur holat yuzasidan surishtiruv ishlari olib borilmoqda.
