Surxondaryo viloyati Favqulodda vaziyatlar boshqarmasi tomonidan Denov tumanida joylashgan “Xabib savdo Denov” XK va “Lolazor Denov Barakat” MCHJga qarashli bozorlarida yong‘in xavfsizligi talablari bo‘yicha nazorat tadbirlari o‘tkazildi.
Tekshiruv davomida ayrim savdo binolarida yong‘in xavfsizligi qoidalariga rioya etilmagani aniqlandi. Inson hayoti va mol-mulkiga xavfning oldini olish maqsadida obyektlar faoliyati vaqtincha to‘xtatilib, elektr ta’minotidan uzildi.
Aniqlangan kamchiliklar bartaraf etilgach, qonunchilikda belgilangan tartibda bozorlar faoliyati qayta tiklanadi. Fuqarolar va tadbirkorlar yong‘in xavfsizligi qoidalariga qat’iy amal qilishga chaqirildi.
