Kurash bo‘yicha O‘zbekiston kubogi musobaqasi Navoiy shahrida bo‘lib o‘tdi. Unda Termiz davlat universiteti talabalari munosib ishtirok etib, 1 ta oltin, 1 ta kumush va 1 ta bronza medalini qo‘lga kiritdi.
Erkaklar o‘rtasida 81 kg vazn toifasida Xurramov Xumoyun oltin medal sohibiga aylandi. Ayollar bahsida -63 kg vaznda Xolmurodova Muxlisa bronza, -70 kg vazn toifasida esa Lolaxonova Charos kumush medalni qo‘lga kiritdi.
Ushbu natijalar sportchilarimizning yuqori tayyorgarligi, murabbiylar mehnati va universitetda sportni rivojlantirishga qaratilayotgan izchil ishlarning yaqqol samarasidir.
