Surxondaryo viloyatida Respublika idoralararo muvofiqlashtirish shtabining sayyor yig‘ilishi bo‘lib o‘tdi. Unda viloyat hokimi Ulug‘bek Qosimov, O‘zbekiston Respublikasi Bosh prokurorining birinchi o‘rinbosari Baxriddin Valiyev hamda Ichki ishlar vazirining birinchi o‘rinbosari Botir Qudratxodjayev rahbarlik qildi.
Yig‘ilishda Prezidentimizning 2026-yil 5-yanvardagi mahallalarda xavfsiz muhitni shakllantirish va jinoyatchilikning barvaqt profilaktikasiga qaratilgan PQ–1 va PQ–2-sonli qarorlari ijrosi muhokama qilindi. Kengaytirilgan tarzda o‘tkazilgan tadbirda vazirlik va idoralar, huquq-tartibot organlari, jamoat tashkilotlari hamda ta’lim muassasalari mas’ullari ishtirok etdi.
Muhokamalar davomida mahallalarda “manzilli ishlash” tizimini samarali joriy etish, huquqbuzarliklarning oldini olish bo‘yicha amalga oshirilayotgan ishlar tahlil qilinib, mavjud muammolarni bartaraf etish yuzasidan aniq vazifalar belgilandi. Tadbir yakunida mas’ul idoralar faoliyatini yanada kuchaytirishga qaratilgan tegishli qaror qabul qilindi.
