Surxondaryo viloyati bo‘ylab aholi va qishloq xo‘jaligini ro‘yxatga olish tadbirining ikkinchi bosqichi barcha hududlarda davom etmoqda. Mazkur jarayonda hududlardagi “mahalla yettiligi” a’zolari alohida tashabbus ko‘rsatmoqdalar.
Jumladan, Termiz tumanining “Yangiobod” mahallasi “yettiligi” ham ro‘yxatga olish ishlarini uyushqoqlik bilan davom ettirmoqdalar. Mas’ullar xonadonma-xonadon yurib, ayrim sabablarga ko‘ra onlayn ro‘yxatdan o‘tishga ulgurmagan fuqarolar bilan muloqot qilmoqda va savolnomalarni to‘ldirishmoqda. Quvonarlisi, mahalla ahli ham bu jarayonga befarq bo‘lmay, ro‘yxatga oluvchilarga yaqindan ko‘maklashmoqda.
