Bandixon tuman hokimi Abdumalik Allamuradov 44-sonli umumta’lim maktabida ilgari berilgan topshiriqlar ijrosini o‘rgandi. Tashrif davomida maktabda o‘quvchi va o‘qituvchilar uchun yaratilgan sharoitlar, ta’lim sifati hamda tarbiyaviy jarayonga alohida e’tibor qaratildi.
Shuningdek, Prezidentning PF-61-sonli Farmoni ijrosi doirasida tashkil etilayotgan “Muhandislik laboratoriyasi”da olib borilgan qurilish-montaj ishlari va zamonaviy texnik jihozlar bilan tanishildi. Mazkur laboratoriya yoshlarning tashabbuslarini qo‘llab-quvvatlash, ilm-fanni ommalashtirish va sifatli ta’lim olish imkoniyatlarini kengaytirishga xizmat qiladi.
Tuman hokimi ushbu loyihani yoshlarni har tomonlama qo‘llab-quvvatlashga qaratilgan islohotlarning amaliy natijasi sifatida e’tirof etdi.
