Surxondaryo viloyati hokimi Ulug‘bek Qosimov va O‘zbekistonning Rossiya Federatsiyasidagi Favqulodda va Muxtor Elchisi Botirjon Asadov o‘rtasida uchrashuv bo‘lib o‘tdi. Uchrashuv Prezidentimiz topshiriqlari ijrosi doirasida hududlar va xorijdagi diplomatik vakolatxonalar o‘rtasidagi hamkorlikni kuchaytirishga qaratildi.
Muloqot chog‘ida Surxondaryo viloyatiga Rossiya investitsiyalarini jalb etish, yangi istiqbolli loyihalarni amalga oshirish hamda eksport hajmlarini oshirish borasida bajarilgan ishlar va kelgusidagi rejalar muhokama qilindi. Shuningdek, viloyatga biriktirilgan xorijiy elchixonalar va konsulliklar bilan hamkorlikni yanada samarali yo‘lga qo‘yish masalalariga alohida e’tibor qaratildi.
Ushbu uchrashuv viloyat hokimligi va elchixona o‘rtasida doimiy hamkorlik mexanizmini shakllantirish, investitsiya va savdo aloqalarini manzilli va natijador tashkil etishda muhim ahamiyat kasb etadi.
