Boysun tumanidagi 6‑son maktabda tashkil etilgan “Yosh qutqaruvchi” musobaqasida o‘quvchilar bir qator amaliy bellashuvlarda o‘z mahoratini sinovdan o‘tkazdi.
Ishtirokchilar birinchi tibbiy yordam ko‘rsatish, yong‘in xavfsizligi va favqulodda vaziyatlarda to‘g‘ri harakat qilish bo‘yicha mashqlarni bajardi, jamoada ishlash va tezkorlik qobiliyatlari baholandi.
Tadbirning asosiy maqsadi yoshlarni vatanparvarlik ruhida tarbiyalash, inson hayotini asrash va favqulodda vaziyatlarda xavfsiz harakat qilish ko‘nikmalarini shakllantirishdir. Yakunda faol ishtirok etgan o‘quvchilar va g‘olib jamoalar tashkilotchilar tomonidan rag‘batlantirildi.
