Angorlik Rahmon Boymatov 20 yildan buyon ko‘chatchilik sohasida faoliyat olib boradi. Uning o‘z tomorqasi va qo‘shimcha yer maydonlari jami 1 gektarni tashkil etadi. Ana shu yerlarda Rahmon aka turli xil mevali va manzarali daraxt ko‘chatlari, shuningdek, gul ko‘chatlarini parvarishlab kelmoqda.
— Ko‘chat — kelajak. Bugun ekilgan har bir nihol ertaga soya, hosil va go‘zallik beradi. Shuning uchun bu ishga butun borlig‘im bilan yondashaman, — deydi R.Boymatov.
Uzoq yillik tajriba va mehnat samarasi o‘laroq, Rahmon akaning ko‘chatlari nafaqat mahallada, balki qo‘shni hududlarda ham talabgor bo‘lib kelmoqda.
