Joriy yilning 15-yanvaridan 15-fevraliga qadar Surxondaryo viloyati hokimi Ulug‘bek Qosimov tashabbusi bilan hududlarda bahorgi obodonlashtirish va ko‘kalamzorlashtirish ishlari hamda qish mavsumini betalafot o‘tkazish maqsadida ommaviy hasharlar tashkil etilmoqda.
Mazkur tashabbus doirasida Denov tumani bo‘ylab barcha tashkilot va muassasalar faol ishtirok etib, hududlarni obodonlashtirish va tozalash ishlari olib borilmoqda. Xususan, “Bog‘inav”, “Istiqbol”, “Bahoriston” hamda Z.M. Bobur mahallalarida obodonlashtirish va ko‘kalamzorlashtirish ishlari, avtomobil yo‘llari va piyodalar yo‘lakchalarini tozalash, shuningdek, to‘planib qolgan chiqindilarni yig‘ib to‘plash ishlari olib borilayotir.
