Toshkent shahrida o‘tkazilgan nufuzli xalqaro ko‘rik-tanlovda san’atning bir nechta yo‘nalishlari bo‘yicha yosh ijodkorlar mahoratini namoyon etdi. Unda yurtimiz hududlari va xorijiy davlatlardan kelgan iste’dodli ishtirokchilar qatnashdi.
Tanlovning xoreografiya yo‘nalishida Termiz davlat universiteti talabasi Go‘zal Mardayeva faxrli 1-o‘rinni egalladi. Tanlov yakunlariga ko‘ra, g‘olib va sovrindorlar diplom, medal hamda xalqaro sertifikatlar bilan taqdirlandi. Eng munosib ishtirokchilar respublika va xalqaro loyihalar, shuningdek, “Mening yurtim” va “Renessans” teleloyihalarida ishtirok etish imkoniyatiga ega bo‘ldilar.
