Surxondaryo viloyati hokimi Ulug‘bek Qosimovning Denov tumaniga tashrifi davomida ilgari belgilab berilgan vazifalar ijrosi joyida atroflicha o‘rganildi. Tashrif chog‘ida tumanning ijtimoiy-iqtisodiy rivojlanishini jadallashtirish, aholi bandligini ta’minlash va hudud salohiyatidan samarali foydalanishga qaratilgan yangi loyihalar taqdimotlari bilan tanishildi.
Shuningdek, infratuzilmani yaxshilash, tadbirkorlikni qo‘llab-quvvatlash, investitsiyalarni jalb etish hamda ijtimoiy soha obyektlari faoliyatini takomillashtirish masalalariga alohida e’tibor qaratildi. Loyihalarning amaliy ahamiyati va kutilayotgan natijalari muhokama qilindi. Tashrif yakunida tuman rahbarlari va mas’ullarga mavjud muammolarni o‘z vaqtida bartaraf etish, ishlar samaradorligini oshirish hamda belgilangan vazifalar ijrosini qat’iy nazoratga olish bo‘yicha aniq topshiriqlar berildi.
