Surxondaryo viloyati hokimi Ulug‘bek Qosimov Denov va Sho‘rchi tumanlariga tashrifi davomida qishloq xo‘jaligi sohasida amalga oshirilayotgan ishlar bilan tanishdi. Jarayonda qishloq xo‘jaligi texnikalarining texnik holati ko‘zdan kechirilib, ularni o‘z vaqtida ta’mirlash va texnik ko‘rikdan o‘tkazish masalalari muhokama qilindi.
Shuningdek, mas’ullar tomonidan mavjud kamchiliklarni bartaraf etish choralari va kelgusi rejalar yuzasidan axborot berildi. Qishki tinim davridan samarali foydalanib, texnika va yer maydonlarini yangi mavsumga puxta tayyorlash muhimligi ta’kidlanib, ishlar sifati va ijrosi ustidan qat’iy nazorat o‘rnatish bo‘yicha topshiriqlar berildi.
