Vazirlar Mahkamasining qaroriga muvofiq, 2026-yil 1-fevraldan boshlab ishlab chiqarilganiga 50 yil va undan oshgan transport vositalaridan foydalanish va ularni qayta ro‘yxatdan o‘tkazish taqiqlanadi. Ushbu transportlar davlat ro‘yxatidan chiqariladi.
Shuningdek, umumiy vazni 44 tonnadan ortiq yuk avtomobillari, kon va karyerlarda foydalaniladigan maxsus texnikalar, yuridik shaxslarga tegishli yo‘nalishsiz taksilar hamda “antikvar” avtomobillar uchun alohida seriyali davlat raqam belgilari joriy etiladi.
Bundan tashqari, avtomobil ro‘yxatdan o‘tkazish guvohnomasida mulkdorning manzilini ko‘rsatish talabi bekor qilinib, zarur hujjatlarni idoralararo elektron tizim orqali olish yo‘lga qo‘yiladi.
