Termiz tumanida Al-Hakim at-Termiziy va Sulton Saodat majmualarini bog‘lovchi yangi yo‘l qurilishi munosabati bilan buzilgan uy-joy o‘rnida 3 ta oilaga homiylik asosida yangi turar joylar barpo etilmoqda.
Tuman hokimi Shuxrat Qalandarov qurilish ishlari bilan joyida tanishib, mas’ullarning hisobotlarini tingladi va ishlarni jadallashtirish, muddat va sifatga rioya qilish bo‘yicha aniq vazifalar belgiladi. Hozirda ikki turar joyda pardozlash, birida esa suvoqlash va tom yopish ishlari olib borilmoqda, qurilish jarayoni doimiy nazoratda.
