Toshkent shahridagi Olimpiya shaharchasida boks bo‘yicha kattalar o‘rtasidagi O‘zbekiston chempionati boʻlib oʻtdi. Unda Jarqo‘rg‘on tuman sport maktabi tarbiyalanuvchisi Dilfuza Bekova 65 kilogramm vazn toifasida ishtirok etdi.
Musobaqa davomida Dilfuza Bekova raqiblari bilan ringda keskin va murosasiz janglar olib bordi. U har bir bahsda tezkor harakatlari, aniq zarbalari va kuchli himoyasi bilan ajralib turib, finalgacha yetib bordi. Ushbu natija sportchining yuksak mahorati, matonati va g‘alabaga bo‘lgan intilishining yaqqol ifodasidir. Ana shunday murosasiz janglarda Dilfuza kumush medal sohibasiga aylandi.
