Surxondaryo viloyatida kitobxonlik madaniyatini rivojlantirish maqsadida kutubxonalar faoliyatini zamonaviy talablarga moslashtirish ishlari davom etmoqda. Shu doirada viloyat hokimi Ulug‘bek Qosimov Jarqo‘rg‘on tumanidagi “Surxon sohili” mahallasida joylashgan Axborot-kutubxona markazida bo‘lib, mavjud sharoitlar bilan tanishdi.
O‘rganishlar natijasida markaz joylashgan eski bino o‘rnida zamonaviy va ko‘rkam yangi kutubxona binosini barpo etish bo‘yicha loyiha-smeta hujjatlarini ishlab chiqish vazifasi belgilandi.
Yangi binoda kitobxonlik zallari, Wi-Fi hududlari, elektron kutubxona hamda sun’iy intellekt asosidagi raqamlashtirilgan kitob fondlari tashkil etilishi rejalashtirilgan. Loyiha yoshlar va kitobsevarlar uchun keng imkoniyatlar yaratishga xizmat qiladi.
