Termiz tumanidagi Gulbahor aholi punktida joylashgan DXX Chegara qo‘shinlariga qarashli harbiy qismda O‘zbekiston Respublikasi Qurolli Kuchlari tashkil etilganligining 34 yilligi va 14-yanvar — Vatan himoyachilari kuni munosabati bilan sport musobaqasi bo‘lib o‘tdi. Tadbir “Xalq bilan armiya – bir tan-u bir jon” shiori ostida o‘tkazilib, harbiy xizmatchilar va tumandagi 18-sonli umumta’lim maktabi o‘quvchilari ishtirok etdi.
Musobaqa davomida yoshlar sport orqali jismoniy tayyorgarlikni mustahkamlash bilan birga, armiyaga bo‘lgan hurmat va Vatan himoyasiga sadoqat ruhini his qilish imkoniyatiga ega bo‘ldilar. Tadbir yakunida g‘olib jamoa va ishtirokchilar esdalik sovg‘alar bilan taqdirlandi. Bunday tadbirlar yoshlar hayotida nafaqat sog‘lom turmush tarzini shakllantirish, balki vatanparvarlik, jamoaviy ruh va mas’uliyat hissini rivojlantirishda katta ahamiyatga ega.
O. Ismoilov,
kapitan
