Termiz shahridagi 20-sonli umumta’lim maktabining 1-“D” sinf o‘quvchilari ishtirokida “Savodxonlik bayrami” ko‘tarinki ruhda bo‘lib o‘tdi. Ushbu tadbir o‘g‘il-qizlar hayotidagi muhim bosqich — o‘qish va yozishni o‘rganish yo‘lidagi ilk yutuqlarni nishonlashga bag‘ishlandi.
Tadbir davomida bolalarning sahna ko‘rinishlari, she’r va qo‘shiqlari, quvnoq chiqishlari ularning iqtidor va mahoratini yaqqol namoyon etdi. Har bir chiqish ularning bilimga bo‘lgan ishtiyoqi, sahna madaniyati va o‘ziga bo‘lgan ishonchi shakllanib borayotganidan dalolat berdi.
Shubhasiz, bugun ilk harflarni tanigan bu bolajonlar ertaga Vatan ravnaqiga
hissa qo‘shadigan bilimli, salohiyatli insonlar bo‘lib voyaga yetadilar.
Shaxnoza Kenjayeva,
o‘qituvchi
